स्विट्जरल्याण्डका हरी बस्नेत हामी बीच रहेनन्

स्विट्जरल्याण्डको लौजानेमा ३० बर्ष देखि बसोबास गर्दै आएका हरी बस्नेत ५४ बर्षको उमेरमा असामयिक निधन भएको छ। गत शनिवार २८ सेप्टेम्बरको दिन अपराहृन एक बजेर ५८ मिनेटजाँदा लौजाने हस्पिटलमा निधन भएको हो। स्व.हरी बस्नेत स्विट्जरल्याण्डको लौजानेमा श्रीमती र तिन छोराछोरी सहित बस्दै आएका थिय।

परिवारले उनको अन्त्येष्टि साधारण पारिवारिक तवरले स्विट्जरल्याण्डको लौजानेमा भोलि ३० सेप्टेम्बरका दिन सम्पन्न गर्ने र स्व.हरी बस्नेतको अस्थु लगेर नेपालको पशुपतिनाथमा बिसर्जन गरि नेपाली परम्परा सहित अन्तिम संस्कार गर्ने भएका छन् ।

स्व.हरी बस्नेत स्विट्जरल्याण्डको लौजाने स्थित लौजाने ट्रेन स्टेसनमा नेपाली रेस्टुरान्ट संचालन गर्दै आएका थिय। नेपाली समाजमा चिरपरिचित समाज सेवी स्व.हरी बस्नेत गैर आवासीय नेपाली संघ स्विट्जरल्याण्डको कार्यकाल २०१३ -१५ मा पनि उनि केहि बर्ष उपाध्यक्ष भएर काम गरेका थिय।

यस दुखद् घडीमा समस्त परिवार प्रति गहिरो समवेदना प्रकट गर्दै स्विस नेपाल डट कम दिवंगत आत्माको चिर शान्तिको कामना गर्दछ।