इनासको आठौँ युरोपियन कार्यक्रम जर्मनीमा हुने
Share
युरोप, अन्तर्राष्ट्रिय नेपाल कलाकार समाज इनासको युरोप क्षेत्रीय समिति तथा इनास जर्मनीको संयुक्त आयोजनामा आगामी अप्रिल १४ र १५ तारिख जर्मनीको मुनिख शहरमा आठौँ इनास युरोपियन कार्यक्रमको आयोजना हुन लागेको हो।
युरोपमा नयाँ प्रतिभा प्रस्फुटनका निम्ति सुनौलो मंच बन्दै आएको इनासको यस बृहत कार्यक्रममा कलाकारहरुले युरोपका बिभिन्न राष्ट्रहरुबाट सहभागिता जनाउँदै आएका छन्।
युरोपियन कार्यक्रमको सम्पूर्ण जानकारी समावेस गरिएको पोस्टर सार्वजनिक गर्दै कार्यक्रमको घोषणा गरिएको छ। ईनास युरोप तथा ईनास जर्मनीको आयोजनामा सम्पन्न हुने कार्यक्रममा युरोपका बिभिन्न राष्ट्रहरुबाट सहभागिता रहने छ। २ दिन सम्म चल्ने कार्यक्रममा पहिलो दिन ईनास युरोपको क्षेत्रीय बैठक हुनेछ भने दोश्रो तथा मुख्य दिन आठौ युरोपस्तरीय एकल नृत्य र पाचौ एकल गायन प्रतियोगिता हुनुका साथै अन्य थुप्रै अतिथि कलाकारहरुको समेत प्रस्तुति दिनेछन।
कार्यक्रमको बृस्तित तयारीका लागि आगामी २८ जनवरी शनिवारका दिन म्युनिख स्थित् प्रत्यक्ष बैठकको आयोजना गरिएको र कार्यक्रम सम्बन्धि अन्य ठोस जानकारी सोही बैठक पश्चात सार्वजनिक गर्ने इनासका युरोप संयोजक प्रकाश तिवारीले जानकारी गराएका छन् ।
ईनास युरोपले हरेक बर्ष आयोजना गर्दै आएको यो कार्यक्रम कोरोनाको महामारीका कारण २०२० मा घोषणा भएर अन्तिम तयारी गर्दा गर्दै स्थगित भएको थियो।