मोडर्नाका कोभिड–१९ को खोप ९५ प्रतिसत प्रभावकारी

अमेरिकी ओखति/खोप निर्माण गर्ने प्रतिष्ठान मोडर्नाले परीक्षण गरेका कोभिड–१९ को खोप ९५ प्रतिसत प्रभावकारी भएको जनाएको छ । उक्त खबर आउने बित्तिकै संसार भरिका मानिसहरु हर्षित हुने क्रम जारी हुँदा अमेरिकी धितोपत्र कारोवारमा समेत वृद्धि भएको छ ।

केही दिन अगाडी मात्र फाईजरले आफ्नै अनुसन्धानबाट निर्माण गरेको खोप ९२ प्रतिसत सफल भएको जनाएको एक हप्ता मै कोरोना भाइरसको उपचारका लागि मोडर्नाले विकास गरेको खोपको परीक्षण पनि सफल भएको छ।

एक पछि अर्को खोपको परीक्षण सफल हुदै गर्दा विश्वव्यापी फैलिएको कोरोना महामारी नियन्त्रणमा अर्को सफलताको रुपमा अन्तर्राष्ट्रिय सञ्चारमाध्यमहरुले बिशेष महत्वका साथ प्रस्तुत गरेका छन्।

मोडर्नाले कोरोनाभाइरस बिरुद्ध निर्माण गरिएको खोप ९४.५ प्रतिसत प्रभावकारी भएको जानकारी सोमबार नोभेम्बर १६ का दिन सार्वजनिक गरेको छ ।

यी स्पष्ट रूपमा धेरै उत्साहजनक परिणामहरू छन्,” अमेरिकाका वरिष्ठ संक्रमणरोग चिकित्सक एन्थोनी फौसीले भने । “यो प्राप्त गर्न उस्तै राम्रो छ – ९४.५ वास्तवमा उत्कृष्ट छ।” उनले भने ।

यो मेरो जीवन र मेरो कार्यकाल(क्यारियर)को सबभन्दा ठूलो पलहरू मध्ये एक हो। यो खोप विकास गर्न सक्षम हुनु र यो उच्च प्रभावकारिताको साथ लक्षणात्मक रोग रोक्न सक्ने क्षमता देख्नु अचम्मै अचम्मको छ,” मोडर्नालेका प्रमुख चिकित्सा अधिकारी चिकित्सक टेल ज्याकले भने।

डिसेम्बर २०२० को दोस्रो हप्ताबाट सुरु हुन सक्छ, चिकित्सक फौसीले भने। खोपहरू उच्च जोखिम समूहहरूबाट सुरु हुने आशा गरिन्छ उनले भने । यसको नतिजा आएको दिनलाई मोडर्ना प्रतिष्ठानले ले एक ‘विशेष दिन’ को रुपमा लिँदै अब यसको स्वीकृतिका लागि निवेदन पेस गर्ने जनाएको छ।

मोडर्नाले गरेको परीक्षणमा १५ हजार अध्ययन सहभागीहरूलाई प्लेसिबो दिइएको जनाएको छ । केही महिना पछि ती मध्ये ९० प्रतिसत को कोभिड-१९ को सुधार भएको उल्लेख गरेको छ । जसमा ११ जनालाई गम्भीर प्रकारको लक्षण पत्ता लागेको जनाएको छ ।

यसै गरि अर्को समूहमा रहेका सहभागीहरुलाई १५ हजार यो खोप दिइएको थियो । र ती मध्ये केवल ५ जनाले कोभिड-१९ को सुधार भएको जनाएको छ । पाँच मध्येमा कसैलाई कुनै गम्भीर असर नभएको उल्लेख गरेको छ ।

उक्त प्रतिष्ठानले कूल अमेरिकामा ३० हजार मानिसमाथि परीक्षण गरेको थियो। तीमध्ये आधालाई चार हप्ताको अन्तरमा दुई मात्रा दिइएको थियो।

यो सुई लगाएपछि कतिपय बिरामीमा केहि समय थकान महशुस हुने, टाउको दुख्ने तथा जिउ दुख्ने जस्ता लक्षण देखिएको थियो। सोमबार मोडर्नाले करिव २ करोड खोप यो बर्षको अन्त्यमा अमेरिकाको लागि निकाशी गर्ने बताएको छ । उक्त प्रतिष्ठानले २०२१ मा बिश्वब्यापी रुपमा ५०० मिलियन खोप निर्माण गर्ने लक्ष्य लिएको छ ।

यता फाईजरले यस बर्षको अन्त्य सम्म ५ करोड खोप निर्माण गर्ने र बिश्व ब्यापी रुपमा सन् २०२१ सम्म १.३ अर्ब खोप बनाउने अपेक्षा गरेको जनाएको समाचार सिएनएनले लेखेको छ ।

श्रोत : सिएनएन/ अन्य पत्रपत्रिका(इनेपलीज)